Atorfittaartoq
Svend Hardenberg Namminersorlutik Oqartussani pisortaaninngussaaq
Siornatigut Nukissiorfinni pisortaq maannalu Qaasuitsup Kommuniani pisortaaneq Svend Hardenberg Naalakkersuisoq siulittaasat allattoqarfiani pisortaaninngortussanngorpoq
Annonse
44-nik ukiulik Svend Hardenberg Naalakkersuisut siulittaasuata Naalakkersuisoqarfiani pisortatut juulip aallaqqaatani atorfinissaaq. Tamanna pisussanngorpoq sivikitsuinnarmik Qaasuitsup Kommuniani pisortaanertut sulereersoq tassani martsip aallaqaataani atorfinikkami.
Naalakkersuisut siulittaasuata Naalakkersuisoqarfiani siornatigut pisortaq Peter Schultz nammineq kissaateqarnini naapertorlugu siorna decemberimi atorfimminit tunuarpoq. Taamanerniit Søren Stach Nielsen Naalakkersuisoqarfimmi pisortaagallarpoq. Maannalu tassa pisortassasut Svend Hardenberg toqqarneqarpoq.
Namminersorlutik Oqartussani atorfinitsitsinermut ataatsimiititaliap inassutaa malillugu Svend Hardenberg atornittussanngorpoq