Taasisitsinissaq nalornissutigaat
Demokrat-ini siulersuisuni amerlanerussuteqartut isumaqarput partiip malittarisassai malillugit siulittaasussarsiorneq ilaasortat taasitinnerisigut pisinnaanngitsoq.
Annonse
Demokratini siulittaasoq Per Berthelsen sapaammi unnukkut nalunaarpoq ilaasortat taasitinnerisigut siulittaasumik Demokratit toqqaassasut. Ulloq unnuarlu inulaaginnarlugit qaangiuttoq siulittaasumut unammillertaa Jens B. Frederiksen nalunaarpoq, partiip malittarisassai malillugit ilaasortanik taasisitsinikkut siulittaasumik toqqaasoqarsinnanngitsoq.
– Siulittaasup nammineerluni kissaatigisimavaa partiip ataatsimeersuarnerani aallartitat taasitinnerisigut toqqaasoqartassasoq. Siulersuisuunerit malittarisassat malilersaarpaat aammalu siulittaasoq qinnuigalugu malittarisassat malequllugit, taama nalunaarpoq Jens B. Frederiksen siulersuisuunerni marlunnut avissimasumi amerlanerussuteqartut sinnerlugit.