Takornariat isigitillugit eqqakkanik ikuallaasarput
Kangerlussuarmi eqqaavissuaq mittarfeqarfimmiit takornariat tikiffigisartagaaniit meterinik untritilinnik marlussuinnarnik ungasitsigisumilluuni ikumatinneqarpoq. Attaviitsup Marie Fleischerip maanna naalakkersuisut qanoq iliorniarnersut apeqquteqaatigaa.
Eqqakkanik suliarinnittarneq Kangerlussuaannarmi ajornartorsiutaanngilaq. Illoqarfiit nunaqarfiillu arlallit eqqakkanut ikuallaaveqanngillaq, tamannalu ernumanartoqartinneqarpoq.
– Naluneqanngilaq eqqakkanut ikiuallaaviit amerlaqisut atorsinnaanngitsut. Silaannarmi eqqakkanik ikuallaasarneq avatangiisinut peqqissutsimullu annertuumik sunniuteqartarpoq. Naalakkersuisut avatangiisinut peqqissutsimullu sunniutaasimasut pillugit nassuiaaqquneqarput. Taamatuttaaq nunaqarfinni eqqakkanut ikuallaavinnut tunngatillugu kommunit suliassannut kivitsisinnaanissaat Naalakkersuisut qularnaarniarneraat paaserusuppara, Marie Fleischeri naalakkersuisunut paragraf 36 naapertorlugu apeqquteqaammini aperivoq.
mariep maanna paaserusuppaa, eqqaavissuarni silaannarmiittuni navianartunik eqqagaqarnersoq, taamaattoqassappallu tamakku najukkami innuttaasunut peqqissutsikkut qanoq kinguneqarsimanersoq.