Takornarissanut piukkunnarluinnartoq ammaqqilerpoq
Islandimi nunap sajuttaqattaarnerisa kingunerisaannik Islandimi Den Blå Lagune matoqqasimasoq, sapaammi ammaqqilerpoq. Nunap sajuttaqattaarnerisa kingunerisaannik Islandimi illoqarfimmi Gríndavikkimi aserortoqangaatsiarsimavoq.
Annonse
Islandimi tusagassiutitigut nalunaarutigineqarpoq Rykjanes qeqertaata ilaaniittumi nunap sajoqattaarnerani Den Blå Lagunemi illut ikittuinnaat eqqugaasimapput.
Den Blå Launemi aqutsisut Islandimi naalakkersuisoqarfia peqatigalugu aaliangersimapput maanna takornarissanut ammaanissaq ulorianartueruttoq.
Sapaatiuppamiit Cefeet, neriniartarfiit naluttarfiillu aamma ornigaqqinneqarsinnaalerumaarput. taamaattorlu Lagunep hotelia matoqqajumaarpoq naatsorsuutigineqarporli sisamanngorpat ammarneqarumaartoq.
Gríndavikkimi illut aqquserngillu aseqqukut aningaasanngorlugu milliardip affaanut nalilerneqarput. Naluneqarallarporlu qaqugu illoqarfiup innuttai angerlarsinnaanngorumaarnersut.