Tammartagaq atuaganngorpoq
Milik Publishing atuakkanik pingasunik saqqummersitsilerpoq ilaatigut Tammartagaq siorna KNR TV'ikkut juullimut mappersakkatut aallakaatinneqartoq
Juullimi tunissatissannik eqqarsalereeruit Saqqummersitsiviup Milik Publishingip juullinngilaataa atuakkat pingasut saqqummersitassaasa arlaat tunissutigilluarsinnaavat.
Tammartagaq, siorna KNR TV'ikkut aallakaatinneqarami nuannarineqarluartoq atuaganngorluni saqqummerpoq Mariap Mikillu misigisaannik sammisinnaasanut siunnersuutinik innersuutinillu imaqarluni. Tammartagaq Maria Motzfeldtimit allanneqartoq novembarip tallimaanni saqqummissaaq.
Atuakkat aappaat Grønland – Dyrenes og Menneskenes Land / Greenland – Land of Animal and Man, Carsten Egevang'imit allanneqartoq novembarip 17-ianni saqqummissaaq.
Atuagaq pingasunik immikkoortortaqarpoq, immikkoortut pingaarnerit marluk Dyrenes land og Menneskenes land , tassani uumasut aalajangersimasut sammineqarput aamma piniarneq aalisarnerlu ullumi ingerlanneqartut pillugit allaaserinnilluni. I Fotografens land'imi Carsten Egevangip nammineq assiliisartutut misilittakkani sammivai aamma Kalaallit Nunaanni assiliisartutut inuunermit oqalualaarluni.
Atuakkat pingajuat Tuttu – qaqqamiit qanermut / Rensdyr - uummassusilerinermik ilinniarsimasumit Michael Rosingimit allanneqarpoq. Aavarneq, aattuineq aamma tuttup neqaannik iganermi najoqqutassianik imaqarluni.
Decembarip sisamaanni saqqumissisaaq.