Tankeqarfinnik ingelatsisut allagartallit
Angutit qulingiluat tankeqarfinnik ingerlatsisutut ilinniakkamik naammassinnipput
Uulianik pilersuinermik ingerlatsivik Polaroil, tankeqarfinnik ingerlatsisutut ilinniarneq nammineq aaqqissuussaq ingerlakkamikku sulisut qulingiluat ilinniakkamik naammassipput.
Tankeqarfinnik ilinniarnermi najugaqarfik qimallugu marlussoriarluni Sisimiuni ingerlanneqarpoq, Sisimiuni ilinniarnerit marluk akornanni angerlarsimaffinni suliassiussat naammassineqartussaapput. Sisimiuni ilinniarneq novembarip 14-ianniit 17-iannut, 2011 aamma ukioq manna januaarip 16-ianniit 23-at ilanngullugu.
Ilinniarnermi atuagarsorneqarpoq aammalu tankeqarfinnik ingerlatsinermik, aningaasaqarnermik, tunisassianik ilisimasat, pilersuinerup sanarfinera, umiarsuarnik pajuttunik sullissineq, isumannaallisaaneq, avatangiisit, inuiaqatigiit pissusaat, ajutoornissanut upalungaarsimassutit, ikuallattoornaveersaartitsineq aamma ikiueqqaarneq.
Polaroil tusagassiivinnut nalunaarpoq.
Ukiut qaangiuttut pingasut Polaroilmit anguniarneqarpoq ingerlatsivik tamakkiisoq eqqarsaatigalugu sulisut piginnaanngorsarneqassasut.
Tamanna aallaqqaammut tunngaveqarpoq sulisut ataasiakkaat akisussaaffiisa qaffassarnissaat aamma Polaroilip sullitai allanngoriartormata.
Ukiuni qaangiuttuni uuliasiornermik ingerlatsisut aatsitassarsiorfiillu allat matukkut kasuttortalerput, taamaattumillu suliffeqarfiup piginnaasai qaffassartariaqarput naleqqussarnissarlu pinngitsoorneqarsinnaanani, pingaartumik sullitat nunanit tamalaaneersut kiffartuunneqarnissamik piumasaqaataat pisuullutik aammali sillimaniarnermut avatangiisinullu ilisimasaqarnerunissaq anguneqarusummat.
Tankeqarfinnik ingerlatsisutut ilinniakkamik naamassinneqqammisut:
- tankeqarfimmik ingerlatsisoq Kim Davidsen, Kangerluarsoruseq
- tankeqarfimmik ingerlatsisoq Hans Johansen, Sisimiut
- tankeqarfimmik ingerlatsisoq Kristian S Olsen, Narsaq
- tankeqarfimmik ingerlatsisoq Søren Olsvig, Aasiaat
- tankeqarfimmik ingerlatsisoq Konrad Larsen, Tasiilaq
- tankeqarfimmik ingerlatsisoq Jens S Christoffersen, Qeqertarsuaq
- tankforvalterassistent Jafet Vid Stein, Sisimiut
- tankforvalterassistent Stig Filskov, Ilulissat