Tarrarsorsinnaasimanngilanga

Maja Heilmann imminut tatiginanilu naleqartissimanngilaq. Asanninnermik ujartuinerata uianit itigartinneqarmat iluaqutaanngilaq. Inuunnera ullumikkut mumilluinnarsimavoq. Kisimiittuuvoq inuunerminillu nuannarinninnera ersarilluni.

- Sanileqarneq maqaasinersaavara, kisianni ajunngilaq. Takkuppat takkukkumaarpoq. Imminut asalernera tarrarsuutikkullu imminut isigisinnaalerneq suni tamani nuannernersaavoq. Angorusutara anguara maannamullu angusimasakka nuannaarutigalugit, Maja Heilmann oqarpoq.

Leiff Josefsen

Paornánguaq Kleist

Published 7 March 2024 - 07:29

Annonse

Arnap naapitama qinngornerata qungujutsippaanga. Nuannaarpoq qungujulalluni illamullu saaqqajaalluni. Maja Heilmann nammineq oqaluttuarpoq timiminik iluarinnilerniarluni inuunerminik allanngortitsilluinnartariaqarsimalluni.

- Tarrarsorsinnaasimanngilangaluunniit. Tarrarsuutikkut imminut qivianngivillunga kigutigissartarpunga. Uigalu attoraangakku peeqqullunga ajattarpaanga. Asanninnermik ujartuivunga itigartinneqarlungali. Taamaammat tupinnanngilaq imminut tatiginnginnama, Maja taamak nakkaqqatigisimanerminik tupigusulluni oqaluttuarpoq.

Maja 58-inik ukioqartoq ukiorpassuarni pualavallaarsimavoq. Arnaanumi nutaami arnat timaat pillugit sammisami Maja qanoq ililluni 30 kg sinnerlugit oqilisimanersoq, Marianne Motzfeldtillu imminut isumagisaleqqikkusulluni ilungersuuteqarsimaneranik oqaluttuaa atuarsinnaavatit.

Arnanut upernaakkut saqqummersoq digitalinngorlugu uani pissarsiarineqarsinnaavoq:

nunatsinnit inuiagatigiit