Tartupaluk pillugu isumaqatigiissuteqartoqannginneraraa
Danmarkip Canadallu qeqertaq akerleriissutaasoq pillugu isumaqatigiissuteqarsimanerat Danmark sinnerlugu isumaqatigiinniartartut pisortaata Thomas Wintherip ilumuunnginnerarpaa
- Naamik, ilumuunngilaq. Suli tassunga killinngilagut.
Taama Danmark sinnerlugu isumaqatigiinniartartut pisortaat Thomas Winther, ippassaq unnukkut DR1-imi ”Aftenshowet” pulaaramiuk, oqarpoq.
Taama akissuteqarnera pivoq apeqqutigineqareersorlu ilumoornersoq Tartupaluk qeqqatigut titarlugu nunat taakku marluk akornanni avinneqassasoq Danmarkip Canadallu isumaqatigiissutigisimagaat.
Læs "Kuupik: God canadisk dialog i flere år"
Læs "Deling af Hans Ø op i Inatsisartut"
Læs "Avis: Danmark og Canada vil dele Hans Ø"
Tartupaluup sooq taama akerleriissutaatiginera Thomas Wintherip nassuiarpaa.
- Oqallinneq (Danmarkip Canadallu akornanni, aaqq.) toqqaannartumik uuliamut tunngasuunngilaq, ilisimaneqartutut qanittumi uuliaqanngimmat.
- Tartupaluk assersuutaasumik isumalerujussuuvoq. Arlaatigut tunniutiinnaraanni killeqarfik avannarpasinnerujussuarmiittoq pingaaruteqarnerujussuarlu siunissami ungasinnerulaartumi russinut oqaloqatigiissutigisussanngorutsigu taava qanoq inissisimassaagut, Thomas Winther oqarpoq.