Tasiilaq: Angut 20-nik ukiulik ujaarineqarpoq
Jonas Asser Kunak Tasiilamit avalattoq kingullermik takuneqartoq maanna politiinit ujaarineqarpoq
Annonse
Tasiilamit umiatsiaaqqamik avalattoq angut 20-nik ukiulik kingullermik takuneqarpoq ippassaq unnukkut, taanna politiinit maanna ujaarineqarpoq.
Suli illoqarfimmut utinngimmat politiit ujaasillutik aallartipput ullumi pingasunngornermi nalunaaqutaq 13.00-imit
Ilisarnaatai:
- Jonas Asser Kunak kalaaliuvoq 20-nik ukiulik
- Tasiilamit avalappoq angallammik Askeladden 70 hk Suzuki-mik
Issittumi Nakkutilliisut aamma Air Greenland ujaasipput, ujaasinermi Challengeri aamma Bell 212 atorneqarput. Aamma innuttaasut nammineq kajummissusertik malillugu ujaasipput. Sakkutuut umiarsuaat Ejnar Mikkelsen ujaaseqataavortaaq.
Jonas Asser Kunakip sumiissimasinnaaneranik ilisimannittut politiinut 701448-imut sianeqquneqarput.