Tasiilaq: Politiit toqutaasimasoq kinaassusersisimavaat
Angut Tasiilami marlunngornerup unnuaani toqungasoq nassaarineqartoq maanna kinaassusersineqarsimavoq.
Angut toqutaasimasoq tassaavoq 30-kkut qeqqanik ukiulik Tasiilameersoq.
Ataatsinngornermi angutip ilaqutai ilisimatinneqarsimasut, Kalaallit Nunaanni Politiit pingasunngornermi ullup-qeqqanut tusagassiorfitsigut nalunaaruteqarlutik ilisimatitsipput.
Ilanngullugu ilisimatitsissutigineqarpoq, toqutaasimasoq pilersaarutit malillugit sapaatip-akunnerani matumani kingusinnerusukkut misissorneqassaaq, toqusimasut timaannik misissuisartoq Danmarkimiit tikippat.
Angut toqungasoq marlunngornerup unnuaani nalunaaqutaq 02, Tasiilami najugaqarfimmi Naasuliartarpimmumi nassaarineqarpoq.
Politiit misissuinerminnut atatillugu toqutsisimasorisaq tigusarisimavaat, taanna marlunngornermi najukkami eqqartuussivimmit ulluni 28-ni tigummigallagassanngortinneqarpoq.