missilforsvarsstrategi
Thulemi radari ernumanartoqartippaa
Siumut sinnerlugu Folketingimi ilaasortap Doris Jakobsenip toqqissisimanngissutigaa erseqqissumik ilisimaneqanngimmat Thulemi radarersuaq amerikamiut nutarterniarneraat
Annonse
Doris Jakobsenip iluatsinngilaa Thulemi radari amerikamiunit nutarterneqassanersoq uppernarsartinniaraluaramiuk. Maanna Danmarkimi illersornissamut ministerimut Nicolai Wammenimut piumasaraa Nunarput tusarniaqqaarnagu Thulemi allanngortitsisoqassanngitsoq.
Danmarkimi illersornissamut ministerinngorlaaq Nicolaj Wammen USAp illersornissamut ministerianik Chuck Hagelimik sapaatip akunnera kingulleq ataatsimeeqateqarpoq tassanilu oqaluuserineqartut ilagaat issittoq. Doris Jakobsenip aalajangiusimavaa Igalikumi isumaqatigiissut ataqqineqassasoq.
- Kalaallit Nunaannut pingaaruteqarpoq erseqqissassallugu Thulemi sakkutooqarfimmi malunnaatilimmik allannguisoqassanngitsoq tusarniarneqaqqaarsimatinnata, Doris Jakobsend oqarpoq.