Tiliumut saaffiginnittartut affaannanngorsimasut

2021-mi Tilioq innuttaasunit 128-usunit nammineq innarluutitik, qanigisatik sullittakkatillu pillugit Tiliumut siunnersortikkuttunit ilitsersortikkusuttunillu saaffigineqarsimavoq.

Innarluutillit Illersuisoqarfianit 2021-mut ukiumoortumik nalunaarusiami taamatut ilisimatitsissuteqarput.

Ukiup siuliani innuttaasut 249-t saaffiginnissimasut affangajaat saaffiginnissimagamik.

- 2021-mi saaffiginnissutit siornatigumut sanilliullugu ikileriarput. Tamanna Tiliumi 2021-mi majimit decembarimut illersuisoqannginneranik pissuteqarsinnaavoq. Illersuisoq tamanut oqaaseqareeraangat Tiliumut saaffiginnissutit amerlanerulertuaannarput, ukiumoortuik nalunaarusiami allassimavoq.

2021-mi saaffiginnissutit tallimaagaangata marluk inunnit namminneerlutik innarluutilinneersuusarput, affaasalu missaat inuit innarluutillit qanigisaanneersuusarlutik, Tiliumit ilisimatitsissutigineqarpoq.

Innuttaassut saaffiginnissutigisartagaasa erseqqissumik takutittarpaat, nunami tamarmi sunik unammilligassaqartoqartarnersoq.

Saaffiginnissutigineqarnerusartut:

• Tapersiissutit atortorissaarutillu
• Suliassat suliarineqartarnerat
• Ulloq unnuarlu paaqqinnittarfiit, ineqarfiit utoqqaallu illui
• Siusinaartumik soraarnerussutisiaqarneq utoqqalinersiallu

2021-mi saaffiginnissutigineqarsimasut Tiliumut nutaajunngillat. Saaffiginnissutigineqarsimasut aamma 2020-mi nalunaarsorneqarsimasutulli amerlatigipput.

Tilioq innersuussivoq

Tilioq ukiumoortumik nalunaarusiamini Inatsisartunut kommuninullu arlalinnik innersuussuteqarpoq.

- Tiliumit kissaatigaarput siumut isigisuunissarput aaqqiissutissanillu ujartuisuunissarput, taamaalillutik inuit innarluutillit, ilaqutaasa sulisullu innarluutilinnik suliaqartut atugarisaasa pitsanngorsarnissaat anguniarlugu, Tiliumit oqaatigineqarpoq.

Tiliumit Inatsisartunut inassutigineqarpoq, assigiinngisitsinermut inerteqqummik atuutsitsilissasut. Inuit innarluutillit immikkoortinneqartarnertik misigisarpaat sulisitsisunit, innutaasunit inuiaqatigiinnilu. Tiliumit isumaqarput, innarluuteqarneq pillugu paasissutissaliortoqartariaqartoq, tamatumunngalu peqatigitillugu innarluuteqarneq pillugu paasissutissanik naatsorsueqqissaarisarnerlu Innarluutilinnik Illersuisoqarfimmit ujartorneqarput.

Tiliumit aamma Inatsisartunut inassutigineqarput:

• Psykiatriip iluani siusinaartumik iliuuseqartoqartarnissaa
• Ilinniartoqarfinni peqataatitsinerusoqarnissaa
• Suliffeqarfiit inunnut innarluutilinnut naleqquttut
• Ussersorlunilu nutserisoqarnerunissaa
• Inuit innarluutillit taperserneqartarnissaannut inatsisip atuutsilerneqarnissaa

Kommunen skal også i gang

Tilioq har også udarbejdet 10 anbefalinger til landets fem kommuner ud fra henvendelser og aktiviteter i Tilioq i 2021.

Disse er:

• Sulianik ersarissumik suliarinnittarnissaq
• Inuit innarluutillit tapersersorneqarnissamik qinnuteqaatiminnik nassiussinissaannut piffissaliussat erseqqissut
• Inuit innarluutillit illersuisoqartarnissaat
• Inuit innarluutillit aamma qanigisaasut inunnut innarluutilinnut siunnersuisoqatigiinni peqataatinneqartarnissaat
• Ilinniartitsinikkut aamma sulinermi isertitassanik annaasanik taarsiisarnikkut ikiuisarnissaq tapersiisarnissarlu qulakkeerneqassasoq
• Neqeroorutit pisinnaatitaaffiillu aallaavigalugit ilitsersuisoqartarnerunissaa
• Inuit inuuniarnermikkut atugaannik ilisimasaqarnerulissasut
• Innarluutilinnut timersortitsisarnerit sunngiffimmilu neqeroorutit ajornannginnerusumik peqataaffigineqarsinnaasut
• Ataqatigiissumik aamma tamakkiisumik isiginnilluni iliuuseqartoqartassasoq peqqinnissaqarfik peqatigalugu
• Aalajangiinerni maalaruteqarnissamut periarfissaqarneq pillugu innuttaasunut ilitsersuisarnermi aalajangersimasumik suleriaaseqalissasut