Tilliep Michael suleqatigilerpaa

Tillie Martinussen partiimi nutaami Suleqatigiissuni, Michael Rosingimit aallartinneqartumut, ilaasortaalernini nalunaarutigaa.

- Michaelilu ikinngutigiippugut, suleqatigilernissaa periarfissaavoq, Tillie Martinussen Demokraatit decembarimi ilaasortaaffiunnaaramigit Sermitsiaq.AG-mut oqarpoq.

Partiimut nutaamut aallarniisooqataanini Tillie Martinussenip maanna nalunaarutigaa.

- Politikkikkut suliassat arlaqartut soqutigigakkit politikki suli qimakkusunngilara. Partiip pilersinneqarnissaanut suleqataavunga, Samarbejdspartiet/Suleqatigiissut aamma ati tulluartippara, Tillie Martinussen nalunaarpoq.

Atsiornernik katersinerit suli ingerlanneqarput.

Soqutiginartunik partiimi nutaamik saqqummersoqangajalersoq aamma ilisimatitsissutigineqarpoq.