Tillinniaq qaammatini arfineq-pingasuni isertitsivimmiissaaq
Angut 20-nik ukiulik Maniitsumeersoq qaammatini arfineq-pingasuni isertitsivimmiissaaq 17-eriarluni pisiniarfinni tillinniarsimanini pissutigalugu.
Annonse
Angutip tillinniarnerit 17-it pineqaatissiissutigai, naak pisunut 20-nut unnerluunneqaraluarluni.
– Tillinniarnerit tamarmik 2009-mi pisimapput pisiniarfinnilu ingerlanneqartarsimallutik. Tillitanut ilaavoq sikkili, Eigil Lyberth Maniitsumi politeqarfiup pisortaa oqarpoq.
20-nik ukiulik Maniitsup Eqqartuussiviani oktobarip 25-ani sassartinneqarpoq sapaatit akunnerini sisamani tigummigallagaalluni. Tallimanngornermi novembarip 20-ani eqqartuussivimmut sassartinneqarpoq, maannalu qaammatini arfineq-pingasuni isertitsivimmiissaaq.