tillinniarneq
Tillinniartoqarnerata kingorna qummoroortut ulorianarnerat politiit annikillisarpaat
Qinngutsinni containerimit annertuumik tillinniarnermik suliaq suli tamakkiisumik naammassinngilaq. Marluk eqqartuussaareernissap tungaanut suli tigummigallarneqarput.
Qummoroortartut suli nassaarineqanngitsut amerlassusaat Nuummi innuttaasut ernumagisariaqanngikkaat, paasiniaanermi aqutsisup Brian Bachip Sermitsiaq.AG-mut ilisimatitsissutigaa.
Decembarip qaammataani containeri 1,5 tonsinik qummoroortartunik imalik imaarneqarpoq, kisianni innuttaasut saaffiginninnerisa kingorna decebarip naalernerani 2016-imi politiit 700 kiilut nassaaraat.
Aamma atuaruk: Qummoroortartut tillinneqartut 700 kiilut nassaarineqartut
- Qummoroortartut soorunami mianersuullugit atorneqartussaapput. Ulorianartuupput. Kisianni sinneruttut nassaarinngisatta ulorianassusaat ernumagivallaarunnaarparput, Brian Bach ilisimatitsivoq.
Annerusumik ilisimasaqartut
Politiit misissuinerminni paassat tamakkiisumik oqimaassusaannut sanilliullugu tillinneqartut qanoq oqimaatsiginerat paasisimavaat.
Ukiortaaq sioqqullugu tillinniarneq tusagassiorfinni assigiinngitsuni annertuumik sammineqarpoq.