Tillinniat inuusuttut parnaarussaapput

Inuusuttut arfineq pingasut Sisimiuneersut ukiut marluk ingerlaneranni arlaleriarlutik tillinniartarsimapput, tillittarsimallutik qunusaarisarsimallutillu. Taakkunannga arlallit maanna pinerluuteqarsimasunut inissiisarfimmiittussanngortinneqarput ilaallu mianersoqqussummik tunineqarlutik.

Inuusuttut pinerluttut 17-it 20-illu akornanni ukioqarput. Taakku unnerluutigineqarput aserorterisimasutut, tillinniarsimasutut, tillissimasutut, politiit maleruaqqusaannik unioqqutitsisimasutut, oqartussanut unnerluussisussaatitaasunullu innimiilliorsimasutut kiisalu qunusaarutillu ujajaasimasutut. Pinerlunnerit 20-it pillugit eqqartuunneqarput.

Qeqqata Eqqartuussivianut februarip 26-at 27-allu sassartinneqarmata ilaat pinerluuteqarsimasunut inissiisarfimmiittussanngortinneqarput allat mianersoqqussummik tunineqartut.

Inuusuttut taakku pinerluttarneri 2012-mi januarimi 2014-milu januarip akornanni pisarsimasut Qeqqani politiit nalunaarput.