Timmisartoq anginngitsoq ajornartoorluni Kangerlussuarmi mittariaqalersoq
Timmisartoq anginngitsoq, Canadami Goose Bayip tungaanukartilluni ajornartorsiulerpoq, Kangerlussuarmullu nalunaaqutaq 15.30 missaa ajornartoornermi mittariaqalerluni. Timmisartup minnissaa pilersaarutit malillugit ingerlasoq, politiit ilisimatitsissutigaat.
Annonse
Timmisartoq anginngitsoq, Falcon LJ35, ajornartoornini pissutigalugu Kangerlussuarmi ullumi nalunaaqutaq 15.30 mittariaqalersimavoq.
Kalaallit Nunaata Politiivisa Facebookiminni taama ilisimatitsipput.
- Timmisartoq Canadami illoqarfimmut Goose Bay-mut ingerlaartilluni assakaasoq siorleq anillakkumajunnaarmat Kangerlussuarmut mittariaqalerpoq, politiit Facebookiminni allapput.
Timmisartup inuttai marluk ajoqusinngillat. Timmisartoq issimasunik ilaasoqanngilaq.
- Politiit upalungaarsimasullu mittarfimmi upalungaarsimanerini timmisartoq ajoquteqanngitsumik missinnaasimavoq, politiit ilisimatitsipput.
Ullumi 1. marts 2021 nal. 15.30 ajornartoornermi mittariaqalerluni Kangerlussuarmut mippoq // En nødlanding i...
Slået op af Grønlands Politi i Mandag den 1. marts 2021