Timmissanik piniarneq sivitsorneqarpoq
Naalakkersuisut aalajangerput meqqit, appat taataraallu piniarneqarnerat sivitsorneqassasoq.
Naalakkersuisut 29. februar 2008 timmissat pillugit nalunaarut nutaaq akueraat, taassumalu timmissat illersorneqarnerat pillugu Namminersornerullutik Oqartussat nalunaarutaat nr. 1 21. januar 2004-meersoq taarserpaa.
Timmissat pillugit nalunaarut 1. marts 2008 atuutilerpoq. Naalakkersuisut akuersinerminni kissaatigaat atuinerup illersuinerullu oqimaaqatigiissinnissaat kissaatigaat. Nalunaarummi nutaami aalajangersakkat uku erseqqissarneqassapput:
Ukiakkut ukiukkullu miternik piniarsinnaaneq
Ukiakkut ukiukkullu miterneq piniarsinnaaneq sivitsorneqarpoq:
? Nunap Isuaniit Kangaatsiap kommuniata avannamut killeqarfiata tungaanut 15. marts tungaanut
? Kangaatsiap kommuniata avannamut killeqarfianiit Qaanaap kommuniata avannamut killeqarfianut kiisalu Tunumi 31. marts tungaanut
Timmissat pillugit nalunaarut maannakkut atuuttoq malillugu timmissat taakku piniarneqarsinnaanerat 28/29. februar unittarpoq.
Sivitsuinermi pineqarput inuit inuussutissarsiutigalugu sunngiffimmilu piniarsinnaanermut allagartallit.
Timissanik killilersugaanngitsunik piniarneq
Ukiakkut ukiukkullu taateraanik piniarneq sivitsorneqarpoq
? Nunami tamani atuuppoq 31. martsip tungaanut
Timmissat pillugit nalunaarut maannakkut atuuttoq malillugu timmissanik taakkunannga piniarneq 28/29. februar unittarpoq.
Sivitsuinermi pineqarput inuit inuussutissarsiutigalugu sunngiffimmilu piniarsinnaanermut allagartallit.