Aviiseeqqat
Tintinimik titartagaq aatsaat taama akisutigisumik tunineqartoq
Tintin-imik titartagaq kaattaassinermi 1,55 mio. eurolerlugit tunineqarpoq
Tintinimik titartagaq kaattaassinermi 1,55 mio. eurolerlugu tunineqarpoq (11,5 mio. koruunit.). Aatsaat taama akisutigisumik tunisisoqartoq franskit nutaarsiassaqartitsiviat AFP allaaserisaqarpoq.
Titartagaq 'Månen-Tur-Retur' (Qaammammut uterlugulu. aaqq.) amerlasuut Tintinimik titartakkani pitsaanerpaatut nalilertarpaat. Taannalu arfininngormat kaattaanneqartoq kaattaatsitsivik Artcurial paasissutissiivoq.
Titartagaq 50 x 35 cm.-sut angissuseqartoq kiniiserit pilikkiannit sanaajuvoq. Tintinimillu pilersitsisup qalipaasartup Hergép titartagaralugu.
Tintinip qimmini Terry ilagalugu kaptajn Haddockilu qaammammiillutik nunarsuaq isiginnaaraat titartarneqarsimapput.
Titartakkap 700.000-900.000 euro-t (5,2 mio. koruunit) akornanni akilerumaneqassasoq ilimagineqareersimavoq.
Titartakkamik aatsaat taama akisutigisumik tunisisoqarpoq
Titartagaq 'Månen Tur'Retur' (Qaammammut uterlugulu. aaqq.) aviiseeqqap oqaluttuassartaata pingaarnersaat ilagigaat Artcurialip titartakkanut ilisimatuup Eric Leroyip nassuiarpaa. Tintinimullu nuannaartorinnittunut isumaqartorujussuusoq oqaatigalugu.
- Sorsunnersuup kingornani Hergép suliaasa pingaarnepaat ilagaat - 'Tintin Tibetimi' 'Erlinnartuutinik tillinniaq nalunartoq'-lu naleqqatigalugit.
Septemberip 26-ni Tintinip pilersinneqarneranit ukiut 100-nngortorsiutigineqarpoq.
Grand Palaisimi Parisimiittumi Hergép, Georges Remimik atilik, suliarpassui saqqummersinneqarput. Januaarillu 15-ta tungaanut takuniarneqarsinnaallutik.
/ritzau/AFP