Toqutsisimasutut unnerluutigaat
Angut 40-t missaannik ukiulik sapaatit akunneri sisamat tigummigallagassanngortinneqarpoq 62-inik ukiulimmik toqutsisimasutut pasineqarluni.
Annonse
Angut Nuummeerpoq, poliliillu sapaatit akunneri tulliuttut sisamat pisoq pillugu paasiniassapput, Anne-Sophie Lohse politimestereqarfimmeersoq oqarpoq.
Tamatuma saniatigut pisoq pillugu eqqartuussivimmiluunniit killisiuineq pillugu oqaaseqarusunngilaq. Eqqartuussivimmi killisiuineq tallimanngornermi matoqqasumik ingerlanneqarpoq, politiit paasiniaanerat pissutigalugu.
Unnerluutigineqartoq sisamanngornermi tigusarineqarpoq, politiit ullaatungaa angummik 62-inik ukiulimmik Blok P-mi nassaarnerisa kingorna.