Skagenimi toqutsineq
Toqutsisimasutut unnerluutigineqartup unnerluussaaqatini allat marluk pisuutippai
Angut kalaaleq 20-nik ukiulik ’pillarneqartussaasimavoq’. Tamannalu peqqarniiserluinnartumik toqutsinermik kinguneqarpoq.
42-nik ukiulik Skagenimi toqutsinermi suliami unnerluutigineqartoq, unnerluussisussaatitaasunit parnaarunneqarnissaa piumasarineqarsimasoq, ullumi eqqartuussivimmi nassuiaatigaa unnerluussaaqataasut allat marluk – 28-nik 29-nillu ukiullit – Skagenimi januarip ulluisa 16-ianni Miki Hansenip inaani Skagavejimiittumi peqqarniiserfigilluinnarlugu toqussimagaat. Nordjyske taama allappoq.
Aviisilu naapertorlugu taassuma 20-nik ukiulik basseballertartoq anaalerutaannik seeqquatigut anaasimallugu nassueruitingaa annertunerusumillu iliuuseqaqqissimanani.
Angut 19-inik ukiulik 42-nik ukiullip ujorua toqutsisimasutut unnerluussaaqataavoq. 42-nillu ukiulik naapertorlugu taanna 19-inik ukiulik toqutsivimmi najuussimannginnerarpaa.
Unnerluussisussaatitaasoq naapertorlugu 20-nik ukiulik 19-inut ukiulimmut ketaminimik tunisisimanera pillugu pillarneqarnini toqutaassutigaa.