Toqutsisup eqqartuussut ingerlateqqippaa
42-nik ukiulik Lars Schou Nuummi eqqartuussivimmi ukiup aappaata affaani pinerluuteqarsimasunut inissiiarfimmiittussatut eqqartuunneqarpoq David Fiskerimik toqutsisimasutut. Ulluni 14-ini isumaliutigereerlugu eqqartuussut ingerlateqqippaa. Sermitsiaq atuaruk
Annonse
Lars Schou Ado Rosingilu Nuummi eqqartuussivimmi februaarip 18-ianni 19-iannilu eqqartuunneqarput, toqumik kingunilimmik David Fiskerimik persuttaasimasutut.
Eqqartuussiviup Ado Rosing pinngitsuutippaa Lars Schou-ilu toqutsisimasutut ukiut aappaata affaanik pineqaatissillugu. Ado Rosingip pinngitsuutinneqarnera unnerluussisut landsretimut ingerlateqqippaa, taannalu marsip 18-iata tungaanut suli tigummigallarneqarpoq.
Lars Schou-ip ulluni 14-ini eqqarsarsinnaanini atorpaa, maannalu illersuisunilu Ulrik Bildorf aalajangerlutik eqqartuussut landsretimut ingerlateqqinniarlugu.
Lars Schou aamma Ado Rosing decembarip 24-ianni David Fiskerimik, qanittumit timmisarsiummik aallaaneqarsimasumik, toqutsisimasutut tigusarineqarput.
Sermitsiaq atuaruk...