Toqutsisutut pasineqartoq septembarimi eqqartuussaassaaq
Nukappiaraq 16-inik ukiulik 2007-immi majimi arnamik qallunaamik toqutsisoq Aalborgimi eqqartuussivimmi septembarip 9-ani 11-ianilu eqqartuunneqassaaq.
Angut inuusuttoq taanna maannakkorpiaq Grenåmi aggutsip 14-iata tungaanut inissiivimmi matoqqasumi inissinneqaqqavoq, kisianni tigummigallagaanerata ullunik 14-nik sivitsorneqarnissaa naatsorsuutigineqarpoq, nukappiaqqap illersuisua Nicholas Symes ilisimatitsivoq.
Suliami nakorsat eqqartuussinermi atugassanik nalilersuisartut inaarutaasumik naliliinerat utaqqineqarpoq. Nakorsat nalilersuisartut eqqarsartaatsikkut misissuineq tunuliaqutaralugu aalajangerpaat pisuusutut pineqaatissinneqassagaluarpalluunniit nukappiaraq pineqaatissinneqassanngitsoq, kisianni nakorsat siunnersuisartut qinnuigineqarsimapput nalilersuinernik sukumiinerusunik saqqummiusseqqullugit.
- Nakorsat siunnersuisussatut ataatsimiitsitaliat qanittukkut nukingisaarneqarsimapput, taamalu siunnersuisussatut ataatsimiitsitaliap inaarutaasumik naliliinera qaammatip uuma naanerani takkunnissaa naatsorsuutigaara, Nicholas Symes oqarpoq.