Trumpip tikeraarnerani Kalaallit Nunaat oqaluuserisassaniittoq

USA-p præsidentia Donald Trump septembarimi Danmarkiliassaguni Kalaallit Nunaat Issittorlu oqaluuserisassaataa ilaanniipput. USA-mik immikkut ilisimasalik taama naliliivoq.

Donald Trumpip nammineq oqaatiginikuuaa Polenimut tikeraarnissaminut pilersaarummut atatillugu Danmarki tikeraarnissaa eqqarsaatigalugu. Statsministeria ilisimatitsivoq suli USA-miit præsidentimik tikeraartoqarnissaq qulakkeerneqanngitsoq.

Trumpip Danmarki tikeraassappagu nunarput Issittorlu tikeraarnermut peqqutit ilagissavaat, nunanut allanut tunngasunut aaqqissuussisoq Philip Christian Ulrich nittartakkakkut tusagassiorfimmiit kongressen.com-imit DR Nyheder-imut naliliivoq.

- Issittoq Kalaallit Nunaallu pillugit apeqqut Amerikamiut alapernaaffigisorujuuaaat. Nunarsuup ilaani tassani nunat pissaanilissuit anneruniunnerannut tunngasut takussutissat ernumassutigaat, isumaqarpullu tamanna USA-p Kinap Ruslandillu akoranni pisut. Nunarsuup ilaa pineqartoq eqeersimaarfigisorujussuuaat, USA-mullu pisariaqassaaq USA-p Danmarkillu akornanni pissutsit pitsaasuunissaat qulakkiissallugu, taama isilluni ajornanngitsumik isersinnaanngornerussagamik, DR-imut oqarpoq.

Issittoq pillugu immikkoortuni USA kingulliulaarami.

Trump siger han overvejer et besøg i Danmark

- Russit Amerikamiuniit sikunik aserorteruteqarnerupput. Imaq assartuutinit Ruslandimeersunit Kinamiillu umiartorfigineqarsinnaanerussammat sikunik aserorterutit atorneqartarput, Philip Christian Ulrich Ekstra Bladet-imut oqarpoq.

Amerikamiut ataasiinnarmik sikunik aserorteruteqarput ineriartornerullu tungaatigut ernumassuteqalerput.

Berlingskes USA-korrespondent, Michael Bjerre Trump tikeraassappat Kalaallit Nunaat Issittorlu eqqartugassaniissasut aammattaaq naliliivoq.