Tungutaq nersornaatisinngilaq
Tungutaq Larsen, Nunat Avannarliit atuakkiortumut nersornaasiuttagaanik nersornaatisinngilaq. Norski arnaq atuakkiortoq nersornaaserneqarpoq
Nunat Avannarliit atuakkiortumut nersornaasiuttagaa 2012 norgemiumut Merethe Lindstrøm'imut tunniunneqarpoq, taassuma atuakkiani ”Dager i stillhetens historie” nersornaatisissutigaa.
Tassa isumaqarpoq Tungutaq Larsen toqqagaanngitsoq taamalu ataqqinninniarnermi 350.000 koruuninik tunineqanngitsoq.
Taassuma taalliani ”Nittaallatut” pillugit nersornaasigassatut innersuunneqarpoq.
Ukioq manna atuakkiortut assigiinngitsut 14'it nunanit avannarlerneersut soorlu Nunatsinnit, Ålandimit, Savalimmiunit samisullu oqaasilinnit nersornaasigassatut innersuunneqarput.
Nunat Avannarliit atuakkiortumut nersornaasiuttagaanik 2012'imi pissarsisoq sisamanngornermi unnukkut Islandip Universitetiani Reykjavikimi tunniunneqarpoq.
Merethe Lindstrøm taassumalu tunuliaqutai annermik uani paasisassarsiorfigisinnaavatit.