Tunillatsissimasut nutaat 19-it - Nuummi 18-it
Sisamanngornermi nunami tunillatsissimasut nutaat 19-it nalunaarsorneqarsimapput. Tunillatsissimasunit 18-it Nuummiipput, taakku ilarpassui Inuunerup Nutaap Oqaluffiata aaqqissuussaanut peqataasimapput.
Pingasunngornermi nunami maani tunillatsissimasut amerlassusaannik kingullermik nalunaarsuisoqarsimanerata kingorna tunillatsissimasunik nutaanik 19-inik nassaartoqarsimavoq. Ataaseq Aasianni 18-illu Nuummi. Nunatsinni Nakorsaaneqarfik nun.gl-ikkut taamatut ilisimatitsissuteqarpoq.
Nuummi tunillatsissimasut akornanni arlallit Nuummi Inuunerup Nutaap Oqaluffiata ulloq naallugu aaqqissuussaanut peqataasimapput, peqataasimasulli nunami sumiiffinnit assigiinngitsuneersuullutik.
Taamaammat Inuunup Nutaap Oqaluffiata aaqqissuussaanut peqataasimasut tamarmik, sisamanngorneq septembarip sisamaat aallarnerfigalugu sapaatip novembarip arfineq-aappaata tungaanut tunillatsissimanermut ersiutaaasinnaasunik immikkut maluginiagaqaqquneqarput, ippigisaqarunillu misissortikkiartoqquneqarlutik imaluunniit ullup tunillatsiffiusimasinnaasup kingorna ullut arfineq-marluk qaangiunneranni misissortikkiartoqquneqarlutik.
Timmisartunut tulliuttumi pineqartunut ilaallutik angalasimasut tunillatsissimasinnaapput, taakkulu qinnuigineqarput tunillatsissimanermut ersiutaaasinnaasunik immikkut maluginiagaqaqqullugit imaluunniit ippigisaqarunik misissortikkiartoqqullugit ullulluunniit tunillatsiffiusimasinnaasup kingorna ullut arfineq-marluk qaangiunneranni misissortikkiartoqqullugit:
GL 1592 Nuuk - Ilulissat ataasinngorneq ulloq 08. November 2021
GL 534 Ilulissat - Aasiaat marlunngorneq ulloq 09. November 2021
GL 264 Nuuk - Maniitsoq ataasinngorneq ulloq 08. November 2021