Tunillatsissimasut nutaatt 49-t ataasinngornermi paasineqartut
Tunillatsissimasut nutaat 49-t ataasinngornermi nalunaarsorneqarsimapput, taakkunannga 48-t Nuummi. Kisitsisit ulluni marlunni misissuisinerup inernerai.
Tallimanngormat kingullermik nalunaarsuisoqarsimaneranit nutaanik 49-nik tunillatsittoqarsimasoq paasineqarpoq. Nuummi 48-t Maniitsumilu ataaseq tunillatsissimappt. Nunatsinni Nakorsaaneqarfik nun.gl-ikkut taamatut ilisimatitsivoq.
Taamaalilluni nunami maani tunillatsissimasut 1000-it anguaat, tassa 1039-t tunillatsissimasutut nalunaarsorneqarsimapput. Ullumikkut 155-it tunillatseqqallutik.
Ataaseq Covi9-imik tunillatseqqasoq allamik nappaateqarnini pissutigalugu sapaatip akunnerata naanerani unitsinneqarsimavoq.
Kingullermik nalunaarsuisoqarmalli inuit 2552-it misissortissimapput. Sapaatip-akunnerani 45-mi misissortissimasunit 2,3%-it tunillatsissimapput.
Atuartut akornnani tunillatsittoqarnerpaasoqartoq
Nuup atuarfiini suli tuniluuttoqarnerpaavoq, ilaqutariilli aamma tunillatsissimasunik meerartallit tunillatsittalersimapput, oqartussanit nalunaarutigineqarpoq.
Kangillinnguit Atuarfiat sapaatip akunnerini marlunni kingullerni 30-nik tunillatsittoqarsimavoq, Nuuk Internationale Friskolemlu(NIF) 16-inik tunillatsittoqarsimalluni. Atuarfinni allani sapaatip akunnerisa marluk kingulliit ingerlaneranni sisamt qulingiluallu akornanni tunillatsittoqarsimalluni.
- Atuarfinni tunillanneqarsimasut tassaanerupput meeqqat aqqaneq-marluk inorlugit ukiullit akiuussutissalerneqarsimanngitsut. Meeqqat ilaqutaanni maanna tuniluuttoqarpoq, aammali Nuummi tunillatsissimasoqarpoq atuarfinnut tunillatsissimasunulluunniit atuumassuteqanngitsunik, nunatsinni nakorsaaneqarfik allappoq.
Sisimiuni Paamiunilu tuniluuttoqarunnaarsimavoq. Illoqarfinni pineqartuni taakkunani misissuisoqangaatsiarlunilu tuniluuttoqarneranik siammatsaaliisoqarsimavoq. Maniitsumi tuniluuttoqarnera killeqarpoq.
Oqartussat ilisimatitsissutigaat, timmisartuni tulliuttumi pineqartuni tunillatsissimasunik ilaasoqarsimasoq:
GL401 Nuuk - Narsarsuaq ulloq 9/11 aamma
GL 416 Narsarsuaq - Nuuk ulloq 12/11-2021.
Gl 557 Kangerlussuaq - Nuuk ulloq 9. november 2021.