Tunillatsissimsut nutaat 125-t
Ullormi kingullermi misissorneqarsimasut affangajai tunillatsissimapput.
![Tunillatsissimsut nutaat 125-t](https://image.sermitsiaq.ag/111597.webp?imageId=111597&width=960&height=512&format=jpg)
Nunatsinni Nakorsaaneqarfiup tunillatsissimasut amerlassusaat nun.gl-ikkut pingasunngornermi nutartersimavai. Kisitsitit takutippaa, marlunngornermi nutaanik 125-nik tunillatsittoqarsimasoq. Tassa misissortissimasut affangajai tunillatsissimapput.
Tunillatsissimasut amerlassusaat misissueriaatsip allanngortinneqarsimanera, tassungalu atatillugu kikkut misissorneqarsinnaanerisa killeqarnerat pissutigalugu allanngortinneqarsinnaapput.
Tabelimi ataaniittumi takuneqarsinnaavoq, tunillatsissimasut amerlanersaat Kommuneqarfik Sermersuumi nassaarineqarsimasut, kommuneqarfimmi inuit 92-it tunillatsissimapput.
Inuit 254-it misissorneqarsimapput. Taakku ullup siulianut sanilliullugu ikinnerulaarput, ullup siuliani inuit 374-it misissorneqarsimagamik.
Nunatsinni Nakorsaaneqarfiup kisitsisinut tunngaviunerusut ullormi kingusinnerusukkut saqqummiunniarpai – tassunga ilanngullugu uninngasut amerlassusaat.
![Tunillatsissimsut nutaat 125-t](https://image.sermitsiaq.ag/348982.webp?imageId=348982&width=960&height=294&format=jpg)