Tunngaviusumik inatsisit aningaasaqarnerlu immikkoortinneqartut
– Nunatsinni tunngaviusumik inatsisissamut siunnersuut piariissaaq innuttaasut aalajangerpata namminiilivinnissamut suliaq naammassineqassasoq, Vittus Qujaukitsoq oqarpoq
Aningaasaqarnermut Naalakkersuisoq Vittus Qujaukitsoq Nunatta Qitornaaneersoq Tunngaviusumik inatsisiliornissamut isumalioqatigiissitami Kalaallit Nunaanni tunngaviusumik inatsiseqalernissamik suliap aallartinnissaa pillugu novembarip 21-ani 2016-mi aallartinnissaa pillugu Inatsisartuni qassiiliuutaaqisumi ilaasortassanik nutaanik toqqaasimavoq.
– Naalakkersuinikkut anguniarneqartoq tassaavoq Kalaallit Nunaat innuttaasuilu akisussaaffimmik sapinngisamik annertunerpaamik tigusinissaat aammalu Kalaallit Nunaat siunissami aningaasaqarnikkut naalakkersuinikkullu imminut napatilerpat Kalaallit Nunaanni innuttaasut nammineq aalajangiisinnaalernissaasa anguniarneqarnissaa, Vittus Qujaukitsoq Sermitsiamut oqarpoq.
Suliassaq annertuvoq aallartiffeqartariaqarlunilu
2009-miit namminersorneq pillugu inatsimmi suliassaqarfiit tigussaasut 33-t tikkuarneqarput Namminersorlutik Oqartussat naalagaaffimmit akisussaaffigilersinnaasai, aammali suliassaqarfiupput pingaarutillit naalagaaffeqatigiinneq inatsimmilu tunngaviusumik aalajangersakkat immikkut ittut peqqutigalugit akisussaaffilerneqarsinnaanngitsut: Naalagaaffimmi nammineq aalajangiisinnaaneq, innuttaassuseqarneq, eqqartuussiviit qullersaat, illersornissaq sillimaniarnerlu, kiisalu aningaasanut politikki.
– Kissaateqarnitsinni mattunnissatsinnik kissaateqarneq aallaavigineqanngilaq, taamaattorli nammineq tunngavissarisagut malillugit nunarsuarmioqataanissatsinnik kisssaateqarluta. Suliassaq annertuvoq aallartiffeqartariaqarlunilu, tassami ullumikkut naluneqanngilaq Kalaallit Nunaannut akisussaaffimmik tigusiniaraanni tunngaviusumik inatsit akimmisaarfeqarpoq, Vittus Qujaukitsoq oqarpoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: