Tusagassiorfik: Bruxellesimi saassusinermi pasisaq pingaarneq tigusaavoq

Belgiamiut aviisiat DH (Derniere Heure) naapertorlugu, marlunngornermi Bruxellisip mittarfiani marlunngornermi saassussinermi pasisaq pingaarneq 25-nik ukiulik, Najim Laachraoui, Belgiap illoqarfiisa pingaarnersaanni tigusarineqarpoq.

Aviisi allappoq, taanna illoqarfiup immikkoortuani Anderlechtimi tigusarineqartoq.

Taanna angut marlunngornermi mittarfimmi Zaventenimi qaartartumeerisoqareersorlu qimaasoq takunerarneqarpoq.

Atuaruk: Bruxellesimi peqqarniisaartoqarnerani ikinnerpaamik 34-t toqunneqarput

Allaasuusaartoq
Najim Laachraoui, maannamut aterisuusaakkaminik Soufiane Kayalitut ilisarisimaneqarpoq, taannalu Bruxellesimi saassussinermi peqataannginnermini Europami ujartorneqarnerpaat ilagereerpaat, aviisi DH Reuters naapertorlugu allappoq.

- Taanna Parisimi saassussinernut qaartartunik pissarsititsisutut peqataasimasutut ilimagineqarpoq, tassani inuit 130-t novembarip 13-ani toqunneqarput, aviisi allappoq, taakku tusarfik atilerneqanngitsoq franskit misissuinerannut qanittoq issuarpaat.

Laachraouip dna-va siorna Parisimi peqqarniisaartut illuni atugaanni nassaarineqarnikuuvoq.

Bruxellisimi mittarfik
Najim Laachraoui qimaasutut allamik ateqartuusaarluni Salah Abdeslam peqatigalugu, østrigip-ungarnip killeqarfiata eqqaani septembarimi nalunaarsorneqarpoq, DH allappoq.

Salah Abdeslam peqqarniisaarniat novembarimi Parisimi saassussineranni peqataasuni kisiartaalluni uumavoq. Taanna tallimanngormat Bruxellesimi illoqarfimmi Molenbeekimi tigusarineqarpoq.

Atuaruk: Kalaallit Nunaata Sinniisoqarfiani sulisut ajunngitsut