Tusarniaanermut akissutit: Biilinut akitsuutit sakkortuumik akerlilerneqartut

Tusarniaanermut akissutini ilagaat hybridinik biiliutillit siunnersuutit akuerineqassappata akitsuutinut akiliingaatsiartalernissaminnik naammaginngilluinnarnerat.

Siunnersuutit pineqartut marluupput. Siulleq tassaavoq plug-in hybridbiilit pinnagit biililli innaallagiartortut brintitortullu kisiisa eqqunnerini akitsuuserneqarniannginnerat. Aappaanilu biilit innaallagiatortut- brintitortut- plug-in hybribiilit akitsuuserneqarnissaat.

Allarluinnarlu igitsinermut akitsuummik eqqussinissaq allaaserisami uani sammissanngilarput.

Tusarniaanermut akissutinik eqikkaaneq

Aajuku isornartorsiulluni tusarniaanermut akissutigineqartut eqikkarneri Sermitsiaq.AG-mit takuneqarsimasut:

Pinngortitamut Avatangiisinullu Naalakkersuisoqarfik:

… (eqqussuinermut akitsuutit pillugit aaqq.) qamutit motoorillit taamaallaat innaallagiaq brintilu atorlugit ingerlanneqartartut ilanngunneqannginnissaannik siunnersuut pitsaasoraa, taamaaliornikkummi siunnersuut biilinik innaallagiatortunik brintitortunillu pisinissamut kajungerilersitsissaaq.

… Qamutit motoorillit taamaallaat innaallagiamik brintimillu atuisut akitsuuserneqarnissaat naleqqussorinngilaa. Innuttaasut avatangiisimut mianerinnittunik biilinik toqqaasarnissaat suli pisariaqarpoq.

Inuussutissarsiornermut Nukissiuuteqarnermullu Naalakkersuisoqarfik:

Siunnersuut (eqqussuinermut akitsuutit pillugit aaqq.) Naalakkersuisut avatangiisimut mianerinninnerulernissamik anguniagaqarnerinut aammalu biilinik innaallagiatortunik atuinissamik tapersiinerannut akerliuvoq.

Nukissiorfiit

Siunnersuutit … Nukissiorfiit siunissami isertitassaraluanut annaasaqaataassasoq nalilerneqarpoq.

Siunnersuutit uuliamik eqqussuunneqartumik atuiunnaarluni ataavartumik nukissiuutinik atuinerulernissamik anguniakkamut naapertuuppasinngillat.

Kommuneqarfik Sermersooq

Siunnersuut kommunip avatangiisimik mianerinninniarluni anguniagaqarneranut akerliuvoq.

Tabelimi allassimasutut akitsuutini nutaani biilit benzinamik atuisut innaallagiartortuniit pingaartinneqarnerupput, tamannalu biilinik avatangiisimut mianerinninnerusut atorneqarnerulernissaannut akerliuvoq.

Sulisitsisut

Taamaammat biilit innaallagiartortut aamma hybridbiilit akitsuutinik aallerfiginiarneri misissueqqissaarnermik, tunngavilersorluakkamik uppernarsarluakkamillu tunngaveqartariarput. Tamannalu siunnersuummi tunngavigineqanngilaq!

Det er i relation til dette forslag derfor politisk planttenslageri at begrunde de foreslåede afgifter med, at de el- og hybridbiler, der køres i pt i Grønland er ”forbeholdt” de bedre bemidlede.

Allannguutissatut siunnersuutit

Inatsisinut marlunut arlariinnik allannguutissatut siunnersuusiortoqarpoq. Assersuutigalu Aatsitassanut Naalakkersuisoqarfik

Der er flere forslag til ændringer af de to love. Departementet for Råstoffer foreslår eksempelvis, at rettighedshavere til en efterforsknings- eller udnyttelsestilladelse efter råstofloven skal ligestilles med lovforslaget plan om at fritage fåre-, kvæg- og rensdyrholdere om afgift på køretøjer.

Departementet for Udenrigsanliggende påpeger, at det må være en forglemmelse, at man ikke har fritaget fremmede magters diplomatiske eller konsulære repræsentationer for motorafgift, hvilket er normen internationalt.

Henrik Sachse Arctic Stariminngaanneersoq, qamuteralannik ATV-nik eqqussuinermik, tuniniaanermik iluarsaassinermillu ingerlataqartup qamutit motoorillit taakkua akitsuuserneqarnianngimmata nuannaarutigaa.

Piaartumik erseqqissaasoqarnissamik ujartuisoq

- Toqqorsivitsinni uninngaasuutigisagut, eqqunneqarnerinut akilersimasatta, annaasaqarfiginissaat qularnanngilaq. Illuatungaanili naatsorsuutigisinnaavarput siunissami tunisaqarnerulissagatta, kingunerisaanilli sulisugut amerlisariaqalissavagut amerlanerillu ilinnitittariaqalissallugit, Henrik Sachse, tuniaanerup unittuunnginnissaa pillugu inatsisissatut siunnersuutit qanoq kinguneqarnissaat atuisunit utaqqineqaannarani, piaarnerpaamik erseqqissaasoqartariaqarnerarlugu, allappoq.