Tuusi tunuaqquaat
Aningaasanut inatsit pillugu pingasunngornermi oqallinnerup kingorna illuatungiliuttut piumasaraat Inatsisartut siulittaasuat Josef Motzfeldt tunuassasoq.
Annonse
Siumut aamma Atassut 2010-mut aningaasanut inatsit aappassaaneerneqarmat pikitsitsipput.
Inatsisartut siulittaasuat partiit taakku tatigiunnaarpaat, isumaramik partiinut sorlernut ilaasortaaneq apeqqutaatillugu naapertuuttutinngitsumik suliaminik ingerlatsisoq.
Isumaqarput paarlattuanik Josef Motzfeldtip naalakkersuisut illersorai, naalakkersuisoq Jens B. Frederiksen tatigiunnaarlugu taasisitsisoqarnialermat.
– Kalaallit Nunaanni demokrati ajorsarpoq, aningaasaqarnermut oqaaseqartartut Per Berthelsen, Siumut aamma Finn Karlsen, Atassut ataatsikkut nalunaarumminni allapput.
Illuatungiliuttut piumasaraat Josef Motzfeldt piaarnerpaamik issiavimminit piissasoq.