Tuusi Tysklandimi oqalugiassaaq
Josef Tuusi Motzfeldt Flensborgimi sila pillugu ataatsimiinnermi pingaarnertut oqalugartuussaaq
Inatsisartut siulittaasuat pingaarnertut oqalugiartussatut qaaqquneqarpoq, Sydslesvigimi Qinersisartut Peqatigiiffiat, SSW, Nunanilu avannarlerni paasissutissiisarfik marsimi sila pillugu isumasioqatigiinnissamut qaaqqusippata.
FN-ip sila pillugu ataatsimeersuarnerata malitsissaanik oqallinneq pissaaq qulequtaraalu: "Københavnimi sila pillugu ataatsimeersuareernerup kingorna: Qanoq ililluta nammineq silarsuullu sinnerani ingerlariaqqissaagut? "
Oqallitsitsinissami peqataasussat ilagaat Slesvig-Holsten-imi avatangiisinut ministeri nutaaq Dr. Juliane Rumpf aamma Flensborgip ilisimatuarfiani ilisimatooq Hohmeyer. Aamma peqataassaaq Flemming Meyer, SSW-mi avatangiisit pillugit oqaaseqartartoq.
Isumasioqatigiinneq pissaaq marsip 11-ani nalunaaqutaq 19.00.