tv-kkut katersuiniarneq
Tv-kkut katersuiniarneq: Millionit sinnerlugit
1.000.622 koruunit. Peqatigiiffik Kalaallit Meerartaat meeqqat inuusuttuaqqallu atorfissaqartitsisut pillugit tv-kkut tallimanngornermi unnukkut katersuiniartitsigami taama angusarpoq
Suliffeqarfiit aamma inuit ataasiakkaat Peqatigiiffik Kalaallit Meerartaat katersuiniartitsimmat tallimanngornermi unnukkut tapiissuteqarput.
Aningaasanik katersuiniarnerup qulequtaraa 'maqaasineq kiserliornerlu' oqariartuutigalugu 'kikkut tamarmik asanninnermik tunineqarsinnaatitaapput'.
Atuaruk: TV-kkut aningaasanik katersuiniartussat 20.000 koruuninnattut
Atuaruk: Aningaasanik katersuiniartoqarnissaanut pakkunnermik unammisitsineq
Politikerit inuillu nuimasut sianerlutik tapiissuteqarniartunut oqaloqatiginnittarput. Soorlu aamma suliffeqarfiit assigiinngitsut checkinik pajullutik aggertartut.
Aningaasat katersuiniarnermi isertinneqartut suliniutinut ‘Sapiik’ aamma ‘Takusinnaaviuk?’-mut tunniunneqassapput.
Katersuiniarnermit asserpassuarnik kingusinnerusukkut Sermitsiaq.AG saqqummersitsissaaq.
Atuaruk: Isiginnaarutikkut aningaasanik katersinissami qulequttat saqqummiunneqarput