Nuuk
Tyskeq akissaasersugaanngitsutut konsulisut atorfinitsinneqartoq
Kurt Wolfgang Kahlig Tysklandip nunatsinni akissaasersugaanngitsutut konsulisut sisamanngorpat atorfinitsinneqassaaq. Taanna nunatsinni 1997-imili nunatsinni najugaqarpoq
Tysklandip Danmarkimi aallartitaata Michael Zenner-ip Kurt Wolfgang Kahlig Tysklandip nunatsinni akissaasersugaanngitsutut konsulisut sisamanngorpat Nuummi atorfinitsissavaa.
Kurt Wolfgang Kahlig-ip atorfinitsinneqarnera Ilisimatusarfimmi malunnartinneqassaaq, tassani politikkikkut suliallit, inuussutissarsiornermut, ilisimatusarnermut kiisalu kultureqarnermut atorfillit peqataassallutik.
Kurt Wolfgang Kahligip ukioq kingulleq novembarip 21-anili akissaasersugaanngitsutut konsulisut atorfittaarnerminut uppernarsaatini tiguaa.
Nunatsinni akissaasersugaanngitsutut konsulisut sulinermini politikkikkut, inuussutissarsiornikkut, angallannikkut kiisalu kulturikkut Tysklandip nunattalu suleqatigiinnerat ingerlatissavai.
Kurt Wolfgang Kahlig 1948-mi inunngorpoq, nunatsinnilu 1997-imili najugaqarluni. Politologisut ilinniarnikuuvoq mannaakkullu Ilisimatusarfimmi Samfundsvidenskabimi lektoriulluni.
Københavnimi aallartitaqarfiup avataani qulingiluanik allanik akissaasersugaanngitsutut konsuleqarpoq Danmarkimi ukunani: Allinge, Haderslev, Middelfart, Nuuk, Nykøbing F, Odense, Thorshavn, Aalborg aamma Aarhusimi.
Akissaasersugaanngitsutut konsulit ilaatigut suliarisarpaat Tysklandimut innuttaasunngorniartunut ikiuinerit, tyskit allagaannik ikiuinerit kiisalu aallartitaqarfimmut attaveqarniaraanni siulliulluni attavigineqartarluni.