Ujaarisaq ajunngitsoq nassaarineqarpoq
Tuttunniaq ujaarineqartoq ajunngitsoq politiit angallataata sisamanngormat unnukkut Maniitsumut tikiuppaa, KNR ilisimatitsivoq.
Annonse
Angut ujaarineqartoq politiit angallataannit sisamanngormat unnukkut arfineq-pingasut missaanni ajunngitsoq nassaarineqarpoq.
Angut taanna arfininngormat umiatsiaminik ammaannartumik ulluinnarluni aavariarluni aallarsimavoq, Napasulli Tasiusaani sikup issutsissimaneranit tupatsinneqarsimalluni, umiatsiaq sikkussaasimammat. Piffissaq isumaqatigiissutaasoq nallermat tikinngimmat plotiinit ujaarineqalerpoq. Angut nunaannarmi oqquiffissami unnuisimavoq, qiiasimaqaaq ajoqusersimananili.
Taamaalilluni politiit angallataannit sisamanngormat unnukkut arfineq pingasunngulersoq sumiiffissineqarluni ikineqarpoq Maniitsumullu politiit angallataannit oqqunneqarluni, knr.gl naapertorlugu taamak oqaluttuarpoq Maniitsumi politiivinit Steve Berthelsen.