Ujaasineq kinguneqarluartoq
- Pisarissersuutit arlallit pinngitsoorneqarsimasinnaagaluarput angalasoq angallammini VHF-imik radioqarsimasuugaluarpat, Aasiaat Politiianni pigaartoq oqarpoq.
Angutit marluk, tamarmik immikkut umiatsiaaralerlutik, sapaatiummat pilersaarutigisimavaat Aasianniit Nassuttuumut angalaniarlutik. Angalasup aappaa nunap iluatigut aqqutikkoorniarsimavoq aappaalu avataatigoorniarsimalluni, isumaqatigiissimappullu Nassuttuup pulammagiaani naapinniarlutik.
Aappaa takkutinngimmat annertunerusumik ujaasisoqalerpoq, angalasup aappaa sinerissap radioatigut maqaasineqartutut oqaatigineqarluni.
Taamatut paasissutissiivoq David Kofoed, Aasiaat Politiianneersoq:
- Angalasup aappaa motooriiarsimavoq, angalasullu taakkua marluk imminnut qanikannersumiissimapput. Angalasoq motooriiartoq ajoraluartumik VHF-imik radioqarsimanngilaq. Taamaatut ittumik "inuunermut sillimmateqarsimasuuppat" inuppassuit pisariaqanngitsumik ernumatinneqarsimassanngikkaluarput.