Ukioq manna qernertanik qilalugartassat 395-it
Qaqortanik qilalugartassaq 310-upput, aalisarnermut, piniarnermut nunalerinermullu naalakkersuisoqarfik nalunaarpoq.
Nunatsinni qaqortanik qernertanillu qilalugartassaq, ukioq pisassiiffisoq 1. februar 2011-mit aallarnerfigalugu, aalajangersarneqarput.
2011-mi Kitaani ukiumut pisassiiffiusumut qaqortanik qilalugartassat 310-upput qernertanillu qilalugartassat 310-ullutik. Tunumut ukiunut pingasunut ukiumut qernertanik qilalugartassat 85-it aamma ingerlaannassapput.
Pisassat aalajangersarneqarput kalaallit/canadamiut qilalukkanut qaqortanut qernertanullu aaatsimut kommissioniata, Joint Commission on Conservation and Management of Beluga and Narwhale-p siunnersuinera malillugu kiisalu piniartut ilisimasaat akulerutsillugit.
- Pisassiissutit 70%-imik qularnaatsigisumik qulakkeerinnissapput qilalukkat qaqortat qernertallu amerlassusaasa piffissami 2009-miit 2014-imut ajunngitsumik ineriartornerata ingerlaannarnissaanik, aalisarnermut, piniarnermut nunalerinermullu naalakkersuisoqarfik naliliivoq.
Qaammatip naalernerani pisassat nunap immikkoortuinut qanoq agguataarneqarsimanersut naalakkersuisoqarfiup nalunaarutigissavaa.