Ukiumi ataatsimi vikarbureaunut aningaasartuutit marloriaatinngorsimapput
Kalaallit Nunaanni peqqinnissaqarfik vikarbureaunut 60 million koruunit missaannik aningaasartuuteqarpoq 2017-imi 35 million koruunisimallutik.
Kalaallit Nunaanni peqqinnissaqarfimmi sulisut 1600-t missaanniipput, taakkunannga 1400-t missaat qaammammusiaqarlutik 200-llu akunnermusiaqarlutik. Taama peqqinnissaqarfimmi aqutsisut nalunaarput.
Aviisi Sermitsiaq taama allaaserisaqarpoq.
Qaammammusiaqartuni 900-t ataavartumik atorfeqarput. Sinneri 500-it piffissami sivikitsumi atorfeqarput, ukioq ataaseq ataallugu atorfeqartinneqartarlutik. 2018-imi sulisoqarnermut pisortaqarfik qaammammusialinnut 1400-t missaanniittunut atorfininnissamut isumaqatigiissusiorpoq.
2018-imi Kalaallit Nunaanni peqqinnissaqarfik vikarbureaunut 60 million koruunit missaannik aningaasartuuneqarpoq 2017-imi 35 million koruunisimallutik. Atorfinitsinneqartunut 500-t missaanniittunut assigiinngitsunut aningaasartuutaapput. Annermik nakorsat peqqissaasullu vikarbureaut aqqutigalugit piffissami sivikitsumi atorfinitsinneqartarput.
- Peqinnissaqarfiup 2017-imut naleqqiullugu 2018-imi vikarbureaunit atuinerusimaneranut peqqutaavoq Danmarkimi peqqissaasunik nakorsanilllu piumasaqarnerup annertusiartornera. Aamma 2018-imi Danmarkimi peqqissaasut akissarsiatigut isumaqatigiinniarnerat aasaanerani atorfinitsitsiniarnermut sunniuteqarpoq, soorlu aamma Kalaallit Nunaanni peqqissaasunik isumaqatigiissuteqannginneq sunniuteqarsimalluni, peqqinnissaqarfimmi aqutsisut nalunaarput.
2018-imi vikarbureaunut atuineq ima agguataarsimavoq nakorsanut pingajorarterut peqqissaasunullu pingajorarterutit marluk.
Allaaserisaq tamaat Sermitsiami atuaruk – uani ataani aviisimut isissutissarsigit: