Ukiumoortumik sakkutuut sungiusarnerat: Nunat pingasut imaatigut silaannakkullu peqataassapput
Nuup qulaani illoqarfiullu avataani immami angallattoqarnerulersimasoq inuit ilaasa immaqa malugisimassavaa. Issittumi Sakkutooqarfik ukiumoortumik nunanit tamalaanit sungiusarnermik, ARGUS-imik ingerlataqarpoq.
Sapaatip akunnerani matumani Nuummi innuttaasut umiarsuaq alapernaarsuut Knud Rasmussen, politiit angallataat Ilik aamma Nakuaq, Air Greenlandip SAR qulimiguulik (EC-225), franskit angallataat FS Fulmar, franskit timmisartuat alapernaarsuut Falcon-50 aamma USCG Sycamore angallataat Nuup Kangerluani takusinnaassavaat.
Taakku sakkutuut sungiusarnerannut ARGUS-imut peqataapput, taanna ukiut tamaasa pisarpoq.
Kalaallit Nunaanni Politiit aamma Air Greenlandip suleqatigiinnerisa saniatigut U.S. Coast Guard (USCG) aamma franskit Marine national peqataassapput.
Piareersimasussat
Sungiusarnerup siunertaraa suleriaatsini assigiinngitsuni; ujaasinermi aamma annaassiniarnermi, umiarsuarmik allamik ikiuunnermi aamma uuliamik mingutsitsisoqartillugu, nunat assigiinngiiaat suleqatigiissinnaanerat.
Issittumi Sakkutooqarfimmi pisortaagallartp Poul Primdahlip, ajunaarnersuaqassagaluarpat suleqatigisartakkat sungiusaqatigisarnissaasa pingaaruteqarnera oqaatigaa.
Suleqatigisartakkatta amerikamiut franskillu ukioq manna peqataaqqinnissaat assut nuannaarutigaara taamaasillutami Kalaallit Nunaanni annaassiniarnermik sungiusaqatigiissagatta. Ajunaarnersuaqassagaluarpat nunanit allanit ikiorserneqarsinnaaneq Issittumi Sakkutooqarfiup pingaartippaa aamma sungiusarneq una ingerlanneqaraangat peqataasut ilikkagaqartarput misilittakkaminnillu pingaaruteqartunik avitseqatigiissinnaallutik,Poul Primdahl oqarpoq.
Amerikamiut umiarsuaannut takornariartitsineq
USCGC Sycamore sungiusarnermut peqataaniarluni illoqarfimmiippoq, taannalu arfininngornermi innuttaasunut ammatinneqassaaq.
Sycamore 225-fodsinik angissuseqarpoq, 48-nik inuttaqarluni. Umiarsuaq arfininngornermi nal. 9-16 tamanut ammatinneqarluni takornariarneqarsinnaassaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...