Ukiuunerani allagartartaartitsinermi akissarsititsisoqartoq
Ilisimatusarfimmi ukiuunerani allagartartaartitsinermi ilinniartut 36-t allagartartaarput.
Annonse
Assit sinneri qimerloorsinnaavatit assip siulliup ataaniittoq tikkuut aappaluttoq toorlugu.
Tallimanngornermi Ilisimatusarfimmi nalliuttorsiortoqarpoq, bachelorinngortut 31-t kandidatinngortullu tallimat allagartartaarmata.
Allagartartaartitsinerup nalaani Cecilia Groth bachelorinngortuni angusarissaarnerpaatut KNI-mit akissarsitinneqarpoq - kandidatinngortunilu Robin Hillestrøm angusarissaarnerpaatut Sulisitsisunit akissarsitinneqarluni.
Allagartartaartut tamaasa ilinniakkaminnik naammassinninnerannik Ilisimatusarfiup pilluaqqungaarpai.
Bacheloritut allagartartaartut immikkoortortani ukunanngaanneerput:
- Inuussutissarsiornermi aningaasaqarnermut ilisimatusarneq: bachelorit marluk
- Tusagassiortoq: bachelori ataaseq
- Inatsisilerineq: bachelorit marluk
- Inuiaat kulturiat oqaluttuarisaanerallu: bachelorit aqqanillit
- Ilinniartitsisoq: bachelorit marluk
- Nutserisoq oqalutsilu: bachelorit marluk
- Inuiaqatigiilerineq: bachelorit marluk
- Isumaginninnermut siunnersorti: bachelorit arfineq-pingasut
- Oqaasilerineq, atuakkialerineq tusagassiuutilerinerlu: bachelori ataaseq
Kandidatitut allagartartaartut immikkoortortani ukunanngaanneerput:
- Inuiaat kulturiat oqaluttuarisaanerallu: kandidatit marluk
- Inuiaqatigiilerineq: kandidati ataaseq
- Oqaasilerineq, atuakkialerineq tusagassiuutilerinerlu: kandidatit marluk