Ukiuunerani umimmanniarneq: Kangerlussuarmi umimmanniarneq nakkutigilluarneqassaaq
Kangerlussuarmi ukiuunerani umimmanniarneq nakkutigilluarneqassasoq, Aalisarnermut Piniarnermullu Naalakkersuisoqarfik nalunaaruteqarpoq.
Ukiuunerani umimmanniarneq ippassaq februaarip ulluisa 15-anni ammaanneqarpoq.
Piniartut piniarnerminni piniarnermut nakkutilliisut takussaasut naammattuullattaassajunnarsivaat. Taamaaliortoqassasoq Aalisarnermut Piniarnermullu Naalakkersuisoqarfik nalunaaruteqarpoq:
- KANUAANA, Kalaallit Nunaanni Aalisarsinnaanermut Akuersissutinik Nakkutilliisoqarfik Kangerlussuarmi ukiuunerani umimmanniarnermi sukumiisumik nakkutilliissaaq. KNANUAANA-p Kalaallit Nunaanni politiit Kangerlussuarmi ukioq manna nakkutilliinermi suleqatigissammagit.
Piniarnermi nakkutilliineq agguarlugu aaqqissuunneqassasoq, piniarnermut nakkutilliisut suliassatik suliarissagaat, politiillu nakkutilliisut sulinerannut tapersersuissasut, naalakkersuisoqarfik paasissutissiivoq.
Kim Kielsen februaarip ulluisa 13-anni nalunaarutigaa ukiuunerani umimmanniarneq februaarip ulluisa 15-anni ammarneqassasoq. Piniarneq marsip ulluisa pingajuannut ingerlassaaq.