Ulloq unnuarlu nalunaarusiaq: Angut kinguaassiuutitigut pinngitsaaliisimasutut suliami tigummigallarneqarpoq – ataaseq nakuusertutut tigusarineqarpoq
Eqqartuussiveqarfiup angut 31. oktobarip tungaanut kinguaassiuutitigut pinngitsaaliisoqarneranik suliamut atatillugu tigummigallarneqarnissaa aalajangiuppaa.
Eqqartuussiveqarfiup Sermersuup marlunngornermi angutip 31. oktobarip tungaanut tigummigallarneqarnissaa aalajangerpaa.
Kalaallit Nunaanni Politiivini pigaartut pisortaat, Mark Larsen, Sermitsiaq.AG-mut taama ilisimatitsivoq.
Angut 30-t missaanni ukioqartoq ataasinngornermi tigusarineqarpoq. Kinguaassiuutitigut pinngitsaaliinermi suliami pasineqarpoq, politiit tamanna pillugu sapaatip-akunnerata naanerani nalunaarfigineqarput.
Tassani arnat marluk arfininngornermi ullaap tungaani angut kinguaassiuutitigut pinngitsaaliisimasutut nalunaarutigaat. Pinngitsaaliinerit festertoqarneranut atatillugu pisimapput, tassani arnat marluk sinilersimapput.
Politiit pingasunngornermi ullaap tungaani Tasiilap eqqaani suliami pisumi tigummigallaanissamik siunertaqarluni sassartitsinissaq isumaliutigigaat, pigaartut pisortaata nangilluni ilisimatitsissutigaa.
Tassani angut 30-nik ukiulik nakuusersimasutut tigusarineqarpoq.