Ulloq unnuarlu nalunaarusiaq: Angut tillinniartoq tigusarineqartoq – majuartarfeqarfimmi ikuallattoq
Angut 25-nik ukiulik Nuummi suliffeqarfimmut tillinniarnermi kingorna tigusarineqarpoq.
Tallimanngornerup unnuaani nal. 00.51 Nuuk Transportimut tillinniartoqarneranik Kalaallit Nunaani Politiit nalunaarfigineqarput.
Nalunaaruteqartoq suliffeqarfiup eqqaani inummik takusimasoq, pigaartut pisortaat Ole Hald oqaluttuarpoq:
- Nalunaaruteqartoq ikiortigalugu politiit taanna inuk pissarsiaralugulu tigusaraat, Ole Hald oqarpoq.
Tigusarineqartoq angutaavoq 25-nik ukiulik, suliffeqarfimmullu igalaakkut isersimassangatinneqarpoq. Angut apersorneqareerluni iperagaalluni tillinniarsimasutut pasineqarpoq.
Majuartarfeqarfimmi ikuallattoq
Tamatuma saniatigut politiit qatserisartullu Nuukullammi majuartarfeqarfimmi annikitsumik ikuallattumut ornigupput.
Ikuallattoq nal. 04.25 nalunaarutigineqarpoq sukkasuumillu qaminneqarluni:
- Ikuallattoqarneranik nalunaaruteqartoq putsumik najuussisimanersoq misissorneqarpoq, Ole Hald oqaluttuarpoq.
Inissiaqarfimmi ajoqusiisoqarsimanngitsoq, politiit naliliipput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...