Umiarsuit issittumi alapernaarsuutit teknikkikkut ajornartorsiuteqarlutik uninngapput
Umiarsuit marluk umiarsuup Knud Rasmussen-ip sananeqaataatut ittut Kalaallit Nunaata imartaani alapernaarsuillutik angalasinnaanngikkallarput, maskiinat innaallagialiutit sequmissimammata.
Sakkutuut imarsiortut umiarsuaataat marluk, nalinginnaasumik Kalaallit Nunaata imartaani alapernaarsuisartut, angalasinnaanngikkallarput umiarsuit pineqartut maskiinai innaallagialiiutit ajoquteqarmata.
Issittumi Sakkutooqarfik DR naapertorlugu taamak nalunaarsimaneragaavoq.
Umiarsuit taakku marluk, umiarsuup Knud Rasmussen-ip sananeqaataatut ittut angalasinnaanngikkallarnerat naatsorsuutigineqarpoq qaammatip sinnera tamaat atuutissaasoq. Umiarsuup aappaani maskiina innaallagialiutaasoq sequmiivilluni sequmissimavoq, umiarsuullu aappaani iluarsaanneqarsinnaasamik ajoqutinissimalluni.
Umiarsuup aappaa ujaasinerni annaassiniarnernilu atorneqarsinnaasoq, Issittumi Sakkutooqarfik nalunaarpoq.
Umiarsuit sannamikkut iluseqatigiit taakku ukiuni 15-ni qamutileqarput atorsinnaanngitsunik, atorsinnaanissaannut attaviit (våbensystem) amigaataammata.
Umiarsuit umiarsuup Knud Rasmussen-ip ilusaatut ilusillit taakku Kalaallit Nunatta aammalu Savalimmiut imartaani alapernaarsuisarput Naalagaaffiup killeqarfiisa oqartussaaffigineqarnerat naalagaaffinnillu allanit inniminniilliorfigineqannginnissaat eqqanaarniagassaralugu.
Taakku umiarsuit qamutileqarput 76 millimeter M/85-kanon-inik. Qamutillilli umiarsuit saavini takussaasut ukiorpassuanngortuni takussutissiiginnarput umiarsuit taakku sakkutuut umiarsuarigaat.
Illersornissaqarfik umiarsuarnik taakkuninnga pingasunik peqarpoq. Siulliit marluk atoqqaartinneqarput 2008-mi 2009-milu.
Umiarsuit pingajuat nutaajunerulaarpoq, taannami 2016-mi atoqqaartinneqarpoq. Siuliminulli marlunnut sanilliullugu umiarsuaq taanna qamutilissinnaanngorlugu sanaajuvoq.
Umiarsuit pisoqaanerit siulliit marluk alapernaarsuillutik angalalersinneqartigatik sakkut atorsinnaanerinut katiterneqaratik atuutilersinneqaannarsimapput, taamaalillutillu qamutilii atorsinnaanngitsut alapernaarsuitinneqalersimallutik.
Taamaattoqarnerani amigaataasut tassaapput Ceros-ildledelsessystemimik amigaateqarnerat, paasiuminarsarlugu oqaatigissagaanni qamutillit isai aamma qarasaat amigaatigineqaraluartut atulersinneqarsimagamik.
Taakkoqartuuppat umiarsuit qamutilii qanimut ungasissumullu eqqoriakkaminnut nakerluinnartussaagaluarput centimeterialuinnannguanik uniulaarsinnaallutik.
Umiarsuit sorsuutit qamutiliisa atortunik taamak pingaaruteqartigisunik amigaateqarnerat pissutaalluni umiarsuit pineqartut qamutilii ersisaarutaannartut aammalu mialersoqqusilluni qummuinnaq qamutilissutaannartut atorsinnaapput.
/ritzau/