Umiarsuit takornariartaatit Svalbard-imut tikissaartinneqarput
Nunat eqqissisimatitat iluanni angallatsini bunkersolie-mik kimikinnerusumik atuinissamut piumasaqaat kinguneqassaaq
Ingerlatseqatigiiffik Europian Cruise service naapertorlugu umiarsuit takornariartaatit amerlasuut Svalbard qaangiinnartalissavaat, Svaldbard Posten allappoq.
Svaldbardimi nunat innarlitsaaliukkat nunallu eqqissisimatitat illersorneqarnissaannut najoqqutassiat allanngortinneqarnissaannik pilersaarutinut atatillugu angallatinut illersorneqarfiusup iluani angalaniartunut piumasaqaataalerppoq, gasolie bunkersolietut taamaallaat atorneqarsinnaannasoq.
Kangiatungaani illersugaasut iluanni olie-mik oqimaannermik atuinissamut inerteqqut siornaak junip 1-iani atuutilerpoq. Maanna inerteqqut kitaatungaani illersugaasut iluannut aamma atuutilerpoq.
Tusarniaanermut tunngatillugu Europian cruise Service-imiit (ECS) akissutitut oqaaseqaammi pisortaaneq Arthur Kordt allappoq, malittarisassat peqqutigalugit umiarsuit imarpikkoortaatit Svaldbard-imut tikissinnaajunnaarsissagaat: - Malittarisassat Ny-Ålesund-imut Magdalenefjord-imullu tikisinnissaaneq ajornarluinnalersipajaartussaavaa. Taaneqartut taaku marluk umiarsuit imarpikkoorutit tulattarfigigaluarpaat.