Uranimik avammut nioqquteqalerniarneq kukkusoqarsimaneranik qulaariso
Namminersorneq pillugu inatsit taamalu aamma Danmarkip Kalaallit Nunaatalu akornanni pissutsit nunanut allanut sillimaniarnermullu politikkip aatsitassanillu sakkutooqarnikkut siunertanut atorneqarsinnaasunik aqutsinerup immikkoortinneqartussaanerannik takorluukkamik tunngaveqarpoq
Ullut 20-t missiliorlugit qaangiuppata paasinarsissaaq aatsitassanik radiop qinngornerinik akulinnik qalluinissamut akuersaanngilluinnarneq ukiuni 25-ni atuussimasoq Inatsisartuni amerlanerussuteqartunit atorunnaarsinneqassanersoq.
Taama pisoqaraluarpalluunniit Kalaallit Nunaata uranimik avammut nioqquteqalersinnaanera suli akornusersimaneqartussaavoq. Akimmisaartitsisoq taanna 2009-meersuuvoq, taamanimi namminersornermut inatsit atsiorneqarpoq. Kalaallit Nunaata nunataata iluaniittut Kalaallit Nunaannit pigineqarnerat inatsimmi aalajangersarneqarpoq. Saviminissamik, kobberimik imaluunniimmi allaat matumani pineqartutut uranimik nioqquteqarnissaq iluanaaruteqarnissarlu Kalaallit Nunaata nammineerluinnarluni aalajangigassaraa. Kisianni nunanut allanut, sillimaniarnermut illersornissamullu politikki Atlantikup akiani 3000 kilometerit missaannik ungasissusilimmi Christiansborgimi suli isumagisarineqarpoq.
Uran nukissiuutitut sakkutooqarnikkullu siunertanut atorneqarsinnaammat Danmark aamma oqaasissaqarsinnaalluarpoq. Taamaattumik Aleqa Hammondip naalakkersuisunut siulittaasunngoramili nalornisoornartoq tamanna Danmarkimi naalakkersuisunut arlaleriarluni matoqqasumik oqaloqatiginnissutigisarsimavaa.
Allaaserisaq tamaat uani sapaatit akunnerani Sermitsiami atuaruk. Aviisi uani pisiarisinnaavat
Uran naamik – imaluunniit aap
Aatsitassap nukissamik ulikkaartup kisiannili aamma radiop qinngorneranik akulerujussuusup uranimik taaneqartartup Kalaallit Nunaannit qallorneqarsinnaalissanersoq Inatsisartunit oktobarip 24-ani taasissutigineqassaaq. Taama aalajangiisoqarnissaata tungaanut aviisini tamani Sermitsiaq pinngoqqaammik akerleriissutaasumik tamatuminnga qalluinissap avammullu nioqquteqarnissap unammillernartui periarfissaalu allaaserinnittassaaq