Usisaammi pisortaq: Ikuallattoqaqqinnera uggornarpoq
Nuummi Qeqertani Usisaat illuutaata arfininngornermi ikuallaleraluarnera Kalaallit Nunaata Politiivisa paasiniaaffigaat. Misissuinerit takutippaat ikuallattoqarnera pinerluttoqarsimaneranit tunngaveqanngitsoq.
Nuummi Usisaat quersuaa nutaaq ukiut marluk ingerlaneranni aappassaaq ikuallattoorfiuvoq. Arfininngormalli ikuallattoqarmat pinerluttoqarsimaneranik takussutissaqanngitsoq, misissuinerit siulliit takutippaat. Kalaallit Nunaata Politiivi Sermitsiaq.AG-mut taama ilisimatitsipput.
Usisaammi pisortat politiit paasiniaanerata naammassinissaat maanna utaqqimaarpaat. Usisaatip illuutaa nutaaq sanaartorneqarnermini siullermik 20. april 2021 ikuallappoq.
- Soorunami uggornarpoq illuutigisarput quersuaq aappassaat ikuallammat. Oqaatigissavarali ikuallannerit taakku marluk imminnut atanngilluinnarmata. Siullermik ikuallappoq sanaartortoqarnerani, maannalu ikuallalluni Nukissiorfiit atortuusiviani, Usisaammi pisortap tullia Minik Gerstrøm Sermitsiaq.AG-mut oqarpoq.
Sulineq nalinginnaasumik aallarteqqissaaq
Taanna ilisimatitsivoq Usisaat illuutaani ineeqqami, Nukissiorfiit transformerstationeqarfiani ikuallanneq aallartissimasoq ilisimallugu.
Usisaammi arfininngormat ikuallanneq, ikuallannermit siullermit annertunnginneruvoq. Quersuarli maanna innaallagiaqanngilaq.
- Aseruatitertoqarujussuarsimanngilaq. Naatsorsuutigaarput illuutigisatsinni ullumi innaallagiaqaqqilerumaarluta, sulinerlu nalinginnaasumik ingerlaqqilissasoq, Minik Gerstrøm oqarpoq.
Minik Gerstrøm ilisimatitsivoq ikuallannermit paasiniaaneq politiinit qaqugu naammassineqassanersoq ilisimanagu, taamaattoq pisortat ulluni qaninnerni ilisimasaqarnerulernissaat naatsorsuutigalugu.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...