USK-imi atuartut Folketingimi inuusuttut inatsisartuisut ataatsimiilersut
Nuummi Ukaliusami atuartut marluk Christiansborgimi sunniuteqarnissamut maanna periarfissinneqarput
Inuusuttut 179-it 2020-mi januaarip 27-ani ataasinngornikkut Folketingimi inuusuttut ataatsimiitsinneqarnissaanut toqqarneqarsimasut akornanni Nuummi Ukaliusami atuartut marluk peqataassapput.
Ulloq taanna 8. aamma 9. klassimi atuartut Folketingimi politikkerit paarlallugit inuusuttut inatsisartuini ataatsimiissapput.
Folketimimi attaveqaatinut immikkoortortaq tusagassiorfinnut nalunaaruteqarnermini ilisimatitsivoq.
- Inuusuttut inuusuttoqatitik allat peqatigalugi atuarfimminni inatsisissatut siunnersuusiatik Folketingimi oqaluuseralugillu taasissutigissavaat. Siunnersuutit ataatsimiititaliani suliarissavaat apeqqarissaarnermullu peqataassallutik, naggataatigullu atuartut inatsisissatut siunnersuutit inaarutaasumik akuerineqarsimasut Folketingip siulittaasuanut partiillu inuusuttaasa sinniisuinut tunniutissavaat, Folketingimi attaveqaatinut immikkoortortaq ilisimatitsivoq.
Naalagaaffeqatigiinni inuusuttut katersuunnerat
Folketingip ukiut tamaasa Danmarkimi, Kalaallit Nunaanni Savalimmiuni atuarfinni 8. aamma 9. klassimi atuartut Inuusuttut inatsisartuinut peqataajartoqqullugit qaaqqusarpai. Klassini assigiinngitsuni 60-ini atuartut 179-it taakkulu ilinniartitsisui inatsisissatut siunnersuutitik tunngavigalugit Inuusuttut inatsisartuini peqataasussatut toqqarneqartarput.
Inuusuttut inatsisartoqartinneqartarneranni siunertaavoq atuartut oqartussaaqataanermik Folketingimilu inatsisiliortarnerup qanoq ingerlanneqartarneranik paasisimasaqarnerulersinneqarnissaat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...