Uuliasioqatigiiffiit suleqatigiiffiiliorput

Uuliamik gassimillu tunisassiornissamut periarfissat alliartornerat ilutigalugu uuliamik gassimillu tunisassiortartut suleqatigiiffeqarnissamik pisariaqartitsiartuinnarsmapput.

Taamaattumillu Greenland Oil Industry Association (GOIA) pilersinneqarpoq. Suleqatigiigffimmi Arne Rosenkrands, DONG Energymeersoq siulittaasuuvoq, Ian Watt, Cairn Energymeersoq siulittaasumut tulliulluni.

Suleqatigiiffimmik pilersitsisut arfineq-marluk Kalaallit Nunaata avataani ujaasinissamut akuersissummik peqarput: DONG E&P Grønland A/S, Esso Exploration Greenland Ltd, Chevron Greenland Exploration A/S, Husky Oil Operations Ltd, Capricorn Greenland Exploration Ltd. (Cairn Energy PLC), PA Resources AB aamma Nunaoil A/S.

GOIA-p siunertaasa pingaarnersaraat qillerillutillu tunisassiortut suleqatigalugit avatangiisit pitsaanerpaamik illersorneqarnissaat.

GIOIA-lu aamma pisortanut Kalaallit Nunaannilu innuttaasunut attaveqaataallunilu oqaloqatiginnittuusassaaq.

Arne Rosenkrandsip Ian Wattillu GOIA-mi ilaasortat sinnerlugit siullermeerlutik Kalaallit Nunaanni pisortat novembarimi ataatsimeeqatigissagaat, tusagassiorfitsigut nalunaarutaanni atuarneqarsinnaavoq.